Feu di tchminêye
![](http://chped.net/https/upload.wikimedia.org/wikipedia/commons/thumb/7/7c/Chimney_Fire%2CMarlboro_Vt.jpg/220px-Chimney_Fire%2CMarlboro_Vt.jpg)
On feu di tchminêye u feu d' fouwire, c'est on feu ki prind dins ene tchiminêye ki a nén stî ramonêye comifåt.
C' est les craheas, ecrahyîs ådvins, ki s' esprindèt.
Li feu di tchminêye si pout spåde a tote li måjhone, copurade a cmincî des plantchîs d' bwès ki djondèt li tchminêye. Ça fwait k' on houke sovint les pompîs po çoula.
Dins les damadjes d'on feu di tchminêye, gn a les distrujhaedjes fwaits al tchiminêye leye-minme pa les pompîs po distinde li feu (metans li trawaedje udonbén li sketaedje do covra k' est sol toet. Gn a eto les degats fwaits pa l' aiwe, et les costindjes po rnetyî l' måjhon k' a stî efoumêye. Les assurances pol feu ripayèt sovint ces costindjes la. Si totafwait s' a passé å mî, ça va tolminme coster nén lon d' 1000 € (el Walonreye, dins les anêyes 2000).