Djournêye
Ene djournêye (do solea), c' est l' termene do djoû d' 24 eures ki court etur el lever do solea et solea-djus.
Li djournêye est shuvowe del nutêye u nute.
Moumints del djournêye[candjî | candjî l’ côde wiki]
Les moumints del djournêye, c' est:
- meynute meyzeure (nole eure å matén, a pont d' eure), pu les ptitès eures
- les aireurs do djoû
- li pikete do djoû, å lever do solea
- l' åmatén
- li matinêye
- Nonne
- l' aprandjire
- l' après-nonne
- li vesprêye, pu l' anuti, å coûtchî do solea
Crexhance et discrexhance des djoûs[candjî | candjî l’ côde wiki]
Le djoûs sont les pus courts li 21 di decimbe. On dit:
- Al Sint-Toumas, les djoûs sont-st å pus bas.
Li Sinte-Luce, c' esteut l' 23, on djheut:
- Al Sinte-Luce, les djoûs crexhèt do sôt d' ene pouce[1]
Après on dit:
- Å Noyé, les djoûs crexhèt do pas d' èn åmea[2][3]; udonbén: al Noyé, les djoûs crexhnut di l' asdjamblêye d' on tchén[4]
- Al novelan, les djoûs crexhnut do pas d' èn efant,
- Al Sint-Antoenne, les djoûs crexhèt do pas d' on moenne.
Les djoûs sont les pus longs li 21 di djun.