Miråkes dins les hameas (tecses)
Apparence
![](http://chped.net/https/upload.wikimedia.org/wikipedia/wa/thumb/5/5d/Quervain_mir%C3%A5kes_hameas.jpg/220px-Quervain_mir%C3%A5kes_hameas.jpg)
Miråkes dins les hameas (Miraukes dins les amias), c' est on live sicrît pa André Quevrain avou troes coûtès noveles et 60 powezeyes.
Les tecses sont redjårbés e francès vizon vizu (mins l' francès est a droete, li walon a hintche).
Il a vudî e 2013.
Les noveles[candjî | candjî l’ côde wiki]
- Li bierdjî d' Inzefîs
- Leyon, li tchén do boledjî (k' on boket est vaici)
- Mimile
Sintimint d' lijheu[candjî | candjî l’ côde wiki]
- Dj' a lî tos les lives d' André Quevrain, mins etur nozôtes, i m’ vos l’ fåt dire, " Miråkes dins les hameas", c' est l’ pus bea !
- Ewou çk' i va cweri ses idêyes, don, li Dré ? Ossu bon scrijheu d’ fåves qui d’ powezeyes, tos ses tecses, on les lét d' on lan !
- Pont d'aroutinance, lès bokèts sont plaîjants au d'la. Èt, cérèje su l’ wastia, i sont tortos twârtchîs dins on bia-z-èt bon walon d’ Nameur èt d'avaur-là. Oyi, mès djins, one fièsse di mots, di tournûres èt d’ ratoûrnûres qui font spiter nosse lingadje èt, sins manque, rimpli nos tièsses èt nos keûrs di stwèles.
- I n’ faut nin balziner po-z-acheter ç’ lîve-là, pace qui tot lès caurs vont dins l’ tchirlike dèl soce « Les Perce-Neige », one soce di nosse payis qu'èst véla po d'ner on côp di spale aus djins disfwârcîs.
- One grande tchapurnéye, André, èt à vos copleûs èto ![1]
Hårdêye difoûtrinne[candjî | candjî l’ côde wiki]
- On tecse do live (sol waibe "Li walon d' emon nozôtes")
Sourdants[candjî | candjî l’ côde wiki]
- ↑ Joëlle Spierkel, Li Rantoele 67, erî-såjhon 2013